Psa 132 | YON | STEP | Daane kawini ye yook. O Yariman , Dewid kuu ika meene. Yobdood wedmenaboon korem kuu ika meene.

Psalms 132

Yook 132

Daane kawini ye yook.

1 OYariman, Dewid kuu ika meene.
Yobdood wedmenaboon korem kuu ika meene.
2 YembedYariman yaa weng kunduk yedme kowoon,
Yekob ye God Aromkonomo kuyaa wiim aangke yedmoon kui.
3 Kekane yedmoon, “Nambiwoom awunainban,
kwane ne angkimbon yaa wanainban,
4 kwane ne indob kuu konaina angkaanban,
kwane ne indob ingkad kuu kande yaa dubunaanban,
5 weneYariman ye ambib arumi yumbon baamonekorid yimin keraneen,
Yekob ye God Aromkonomo ye dobirimbon kui.
6 Kedi, God ye amob weng ongmoon ye boks ye weng kuu Efarata angkambed wengamburuwen,
kwane wene Jearim ye mongkobon aombed wedmuwen.
7 God ye dobirimbon yaa wenem,
ye dibere oonimbon yaa wenenub kurikuri kere ye aningko kankoonem.
8 OYariman, yaro dembe eb yiidkimbon yaa mene,
eb aromkono korokbeneb amob weng ongmewen ye boks kuyiib kanmene.
9 Eb dore Yuudan dore wedyiri dobiridan kuu ongmendebko yorokmo kiwaanbed dobirime,
kwane ebbed yorokmo kerundewendan kuu kubi ye yook wingkime.
10 Eb dememan Dewid ye dowad
ebbed ye ari oiyo bune kinewenman yaa kuu eb murubia kan yeknaab.
11 Yarimanbed Dewid yaa amob weng ongmoon,
kuye amob kuu ikakman kandaanban, anammo angkimbaraneen kui.
Kekane yedmoon, “Nembed eb yob yaambed
mimo kine nendaniine king keraneen.
12 Eb karub dana meed kuu nembed ongmaan ye amob weng awine kandenib,
ne kerekmen korokbaan ye weng yi yaa kedmengkandaniine awine kandaniib kuu,
yi karub dana meed kuu eb dibere oonimbon arimbed
aron korem dibaraniib.” andoon.
13 Kedi,Yarimanbed Saiyon kuu kinoon,
ne dobirimbon yeman ande dowakeniib keroon kui.
14 Kekane yedmoon, “Kekee ne yiidkimbon aron korem korem yeman,
kuyaa kuu dowakeniib keraan kowe, nembed kwane dibere oonembaraniin.
15 Saiyon angka doriibdan kuu amun kerundaniine yiminmo dobaraniib,
kwane yu kamboknondan kuu animan yiminmo bangkandaniin.
16 Ne dore Yuudan dore wedyiri dobiridan kuu ongmendaniina arewa yaa burudande bindi kerekmen yikaadkeraniib,
kwane yu karadmodan kuu kubi yook naawonmo wingkaniib.
17 Kwarimbed Dewid ye aromkono kuu nembed kandune darewoob arimbed ongmaniin,
kwane nembed ye ari oiyo bune kinaanman ye ooni yaromkono kuu ongmaniina aron korem kwane angkimbaraneen.
18 Nembed ye bondan kuu karak kaimbed kan derenendaniin,
kumban ye kuu ongmaniina nambiri kai ye king keraneen.